Kopshtari sistemon, rregullon, mirëmban e kujdeset për zonat e gjelbra, lulishtet, parqet, pemët dhe kopshtet publike dhe private. Ai kujdeset për përgatitjen e tokës, mbjelljen e bimëve deri në zbatimin e të gjithë projektit, si dhe për menaxhimin dhe mirëmbajtjen në vijim, duke zbatuar teknikat e nevojshme fitosanitare dhe ato të kultivimit. Menaxhon mirëmbajtjen e zakonshme dhe të jashtëzakonshme, krasitjen e specieve kryesore dekorative në përputhje me rregullat për gjelbërimin publik ose me kërkesat e klientit privat. Zbaton mbrojtjen fitosanitare të bimëve sipas rregulloreve në fuqi. Është në gjendje të mbledhë dhe asgjësojë siç duhet mbetjet dhe të përdorë pajisjet dhe makineritë e posaçme.

Kopshtari duhet të jetë në gjendje të kujdeset dhe të mirëmbajë zonat e gjelbra, parqet dhe kopshtet dhe këtu përfshihen këto veprimtari: kryen prerjen e barit sipas metodave të parashikuara; ujitë pemët, shkurret dhe lëndinat e ndryshme, duke përdorur një sistem të automatizuar të ujitjes (me programim) ose me dorë sipas nevojës; kryen fertilizimin e bimëve, shkurreve, lëndinës përmes përdorimit të produkteve të përshtatshme; mbron bimët, shkurret dhe lëndinat nga agjentët patogjenë dhe fitofagët përmes përdorimit të mjeteve fitosanitare të autorizuara; krasitë shkurret në forma të ndryshme; krasitë pemët e larta me ndihmën e pajisjeve ngritëse ose të shkallëve;mbledhë mbetjet bimore dhe bën transferimin e tyre në vendet e autorizuara për asgjësim ose riciklim;kryen mirëmbajtjen e makinerive, pajisjeve, sistemeve të ujitjes. Kopshtari duhet të jetë në gjendje të krijojë zona të gjelbra, parqe dhe kopshte dhe këtu përfshihen këto veprimtari: shqyrton dhe kupton dokumentacionin e projektit; vlerëson veçoritë dhe të dhënat teknike për kryerjen e zgjedhjeve të ndryshme për realizimin e projektit; përshtatë veprimtaritë e kultivimit me veçoritë infrastrukturore të projektit (p.sh. sistemi i ujitjes, ndriçimi, shtrimet e sipërfaqeve të shkelshme etj.); përshtatë paraqitjen dhe llojin e objekteve sipas nevojave dhe karakteristikave të bimësisë së sipërfaqes përkatëse; bashkëpunon në realizimin e objekteve me gjelbërim dhe të objekteve zbukuruese (p.sh. stolave, pjergullave, shportave, sipërfaqet e shtruara, lodrave të parqeve, etj.); bashkëpunon në ndërtimin e impianteve sipas parashikimeve të projektit (p.sh. sistemi i ujitjes, sistemet e ndriçimit, etj.); kryen punimin e tokës së sipërfaqeve të gjelbra me metoda të ndryshme sipas llojit të përdorimit (p.sh. mbjellje e barit, mbjellje e bimëve, etj.); mbjellë pemë dhe shkurre me fidanë; krijon lëndinë përmes mbjelljes ose shtrimit të tapetit të barit; kontrollon funksionimin e saktë të sistemeve (ndriçimin dhe ujitjen) dhe të lodrave për fëmijë.

Elemente të botanikës së përgjithshme; elemente të botanikës sistematike; elemente të kultivimit të pemëve ;elemente të entomologjisë; elemente të fiziologjisë së bimëve; elemente të fitopatologjisë; elemente të projektimit të hapësirave të gjelbra; elemente të normativës fitosanitar; elemente të pedologjisë; normativa për mbetjet bimore; parimet e agronomisë së përgjithshme dhe specifike.

Të zbatojë legjislacionin fitosanitar me referencë të veçantë në pasaportën e bimëve Të zbatojë rregulloret fitosanitare në lidhje me parazitët karantinor dhe kërkesat përkatëse Të zbatojë rregulloret për asgjësimin ose riciklimin e mbetjeve bimore Të zbatojë teknikat e fertilizimit Të zbatojë teknikat e krasitjes Të zbatojë teknikat e përgatitjes së tokës Të zbatojë teknikat e mbrojtjes dhe largimit të barërave të këqija Të zbatojë teknikat e mbjelljes Të zbatojë teknikat e shartimit dhe mbjelljes Të përdorë mjete bujqësore Të përdorë pajisje mbrojtëse personale Të përdorë sistemet e ujitjes Të përdorë mjete për shpërndarjen e pesticideve kundër parazitëve Të përdorë planet e projektimit në kantier

Ai e kryen veprimtarinë e tij profesionale në kontekste dhe në lloje të ndryshme ndërmarrjesh si ndërmarrjet e gjelbërimit, njësitë e shitjes së artikujve të kopshtarisë, në fidanishte etj.