Pastiçeri merret me prodhimin e produkteve të pastiçerisë dhe të gjithë procesin e përpunimit të produkteve të furrës në përputhje me standardet ushqimore dhe higjienike. Ai kryen punë si manualisht ashtu edhe duke përdorur makineri dhe mjete të ndryshme. Përcakton dozën e përbërësve sipas recetave, brumit, krijon forma dhe vizatime si dhe mbush llojet e ndryshme të produkteve të pastiçerisë dhe në fund mbikëqyrë pjekjen e tyre. Duke vepruar shpesh në një kontekst artizanal, ai merret gjithashtu me shitjen e produktit te objektet tregtare ose me ofrimin e produkteve drejtpërdrejt te klienti përfundimtar.

Pastiçeri duhet të jetë në gjendje të kryejë mbushjen e produkteve të ndryshme të brumit dhe këtu përfshihen këto veprimtari: kontrollon, përzgjedhë(llojin, cilësinë dhe sasinë) dhe përcakton sasinë e lëndëve të para dhe agjentët përmirësues dhe fryrës bazuar në recetat dhe programin ditor të punës; përgatitë kremrat dhe mbushjet duke përzier përbërësit sipas recetave, programit ditor dhe llojeve të ndryshme të produktit: produktet me bazë brumi (brumë i shkrifët, petë me gjalpë, pandispanje, biskota të ndryshme, pasta shu, krem bajamesh, krem pastiçerie, krem gjalpi), biskota çaji, pasta (biskota të ndryshme, ëmbëlsira me shumë petë), ëmbëlsira të pjekura me dhe pa shurup, ëmbëlsira akulli, me çokollatë dhe përpunime të tjera të ndryshme; njeh sjelljet dhe transformimet fiziko-kimike të mbushjes. Pastiçeri duhet të jetë në gjendje të kryejë furnizimin me produkte dhe këtu përfshihen këto veprimtari: regjistron nevojën për produktet që mungojnë; regjistron nevojat për lëndë të parë; kontrollon nga pikëpamja sasiore (në raport me porosinë) dhe cilësore (kontrollon afatet dhe standardet e cilësisë) produktet hyrëse; zbaton rregullat/kriteret e magazinimit dhe ruajtjes sipas karakteristikave të produkteve në hapësirat përkatëse; kryen periodikisht veprimtaritë e nevojshme për higjienizimin dhe dezinfektimin e banakut, pajisjeve dhe mjeteve të punës nëpërmjet përdorimit të produkteve specifike; organizon banakun duke sistemuar produktet sipas standardeve të higjienës Pastiçeri duhet të jetë i aftë të shesë produktet ushqimore dhe këtu përfshihen këto veprimtari: mirëpret klientin; orienton dhe këshillon klientët në lidhje me nevojat e shprehura; informon klientin për karakteristikat e produkteve të ofruara dhe për mundësitë e ndryshme të blerjes; propozon oferta të veçanta; ofron mostra të vogla për degustim (prezanton produkte dhe metoda të reja në kuzhinë); pranon çdo ankesë dhe pakënaqësi nga klientët dhe i raporton ato tek personat kompetentë; peshon dhe vlerëson produktet; paketon produktet; vendos produktet e paketuara në struktura mbështetëse të përshtatshme për transport. Pastiçeri duhet të jetë i aftë të përgatitë brumin dhe produkteve për pjekje në furrë dhe këtu përfshihen këto veprimtari: kontrollon, zgjedhë (llojin, cilësinë) sasinë e lëndëve të para dhe agjentëve përmirësues dhe fryrës bazuar në recetat dhe programin ditor të punës; përzien përbërësit sipas parametrave të përcaktuar në receta; kontrollon cilësinë e brumit; përdorë dhe programon mikserin e brumit sipas kohës së përcaktuar në recetë; rregullon dhe kontrollon procesin e përpunimit bazuar në parametra fiziko-kimikë specifikë; kontrollon fazat e përpunimit, duke ndërhyrë në rast anomalish të procesi; nxjerrë brumin nga mikser pasi të ketë kontrolluar karakteristikat cilësore të tij; përcakton parametrat optimalë për pjekjen në furrë: kohën, temperaturën dhe shkallën e lagështisë, në lidhje me karakteristikat fizike dhe organoleptike të dëshiruara dhe për produkte të ndryshme; monitoron procesin e pjekjes, duke ndërhyrë kur është e nevojshme për rregullimin e parametrave; kupton sjelljen e përbërësve reaktive të produktit në furrë në temperatura të ndryshme (avullim i lartë i ujit, avullim i substancave aromatike, zhvillime jonormale të vëllimit, etj.); identifikon anomalitë në procesin e pjekjes duke bërë modifikime dhe ndërhyrje përfshirë këtu dhe ato të një natyre teknologjike; përcakton temperaturën, kohën etj; vlerëson cilësinë e produktit duke kthyer çdo defekt në ndërhyrje dhe procedura rregullimi

Dhomën e fermentimit, elementët e kujdesit ndaj klientit; elementët e higjienës në punë; elementët e shkencës ushqimore; elementët e shkencës dhe teknologjisë ushqimore; dukuritë fizike dhe biokimike në pjekjen e produkteve të furrës; përbërësit për akullore dhe pastiçeri; makineritë dhe sistemet për produkte të furrës; makineritë për kryerjen e të gjitha proceseve të brumit për produktet e furrës; merceologjinë ushqimore; metodat e përpunimit të brumit; rregulloren e analizës së rrezikut dhe kontrollin e pikave kritike (HACCP); legjislacionin për higjienën e produkteve ushqimore; parimet e cilësisë së shërbimit; parimet e fermentimit të kontrolluar; proceset e mbushjes së produkteve të pastiçerisë; proceset e përpunimit të produkteve të furrës; procesin e fermentimit të bukës; procesin e përgatitjes së brumit; produktet e furrës; sistemet e çmimeve të produkteve; standardet e cilësisë së produkteve ushqimore; teknikat e prokurimit të produkteve; teknikat e përpunimit të brumit për produktet e furrës; teknikat e përpunimit të pastave të freskëta dhe të thata; teknikat e promovimit; teknologjinë e pajisjeve për pjekjen e produkteve

Të zbatojë procedurat për analizën e rrezikut dhe kontrollin e pikave kritike (HACCP) Të zbatojë teknika për zbukurimin e ëmbëlsirave Të zbatojë teknikat e përgatitjes së kremrave dhe mbushjeve për produktet e pastiçerisë Të zbatojë kriteret për vlerësimin e jetës së produkteve ushqimore Të zbatojë rregulloret për higjienën e produkteve ushqimore Të zbatojë teknikat e ruajtjes së ushqimit Të zbatojë teknikat e paraqitjes së mallrave ushqimore Të zbatojë teknikat e higjienës së mjediseve të punës Të zbatojë procedurat e kontrollit kundër vjedhjes Të zbatojë procedurat për raportimin e moskonformiteteve të mallrave Të zbatojë teknikat e komunikimit ndërpersonal Të zbatojë teknikat e paketimit të mallrave Të zbatojë teknikat e prezantimit të produktit Të zbatojë teknikat e shitjes Të zbatojë procedurat e kontrollit të parametrave për fermentimin e produkteve për pjekje Të zbatojë procedurat e kontrollit të cilësisë së produkteve për pjekje Të zbatojë procedura për kontrollin/rregullimin e procesit të pjekjes Të zbatojë teknikat e pjekjes të produkteve Të zbatojë teknikat e fermentimit për produktet për pjekje Të zbatojë teknikat e përpunimit të brumit për produktet për pjekje Të zbatojë teknikat e modelimit të produktit për pjekje Të përdorë pajisje për mbushjen e produkteve për pjekje Të përdorë përbërës për llojet e ndryshme të kremit dhe mbushjet për produktet e pastiçerisë Të përdorë makineri për përpunimin e kremrave dhe mbushjeve për produktet e pastave Të përdorë pajisje për përcaktimin e sasisë së lëndëve të para ushqimore Të përdorë pajisje për ruajtjen e ushqimit Të përdorë pajisje për peshimin e produkteve ushqimore Të përdorë dhoma fermentimi për produktet për pjekje në furrë Të përdorë pajisje të pjekjes në furrë të produkteve Të përdorë makineri për përpunimin e brumit për produkte që do të piqen në furrë Të përdorë lëndë të para për brumërat të produkteve që do të piqen në furrë Të përdorë modalitetin e kontrollit dhe rregullimit të cilësisë së brumit Të përdorë metoda të kontrollit të cilësisë së brumit Të përdorë mjete për të kontrolluar aciditetin e brumit të pjekur

Veprimtaria e pastiçerit kryhet në pastiçeri dhe subjekte tregtare (apo edhe në zonën e produkteve të brumit në supermarkete). Ai punon si punonjës, zakonisht duke iu përgjigjur shefit të pastiçerisë ose shefit të furrës, ashtu edhe si i vetëpunësuar në pastiçeri.