Modelisti është ai që krijon modelin, duke marrë parasysh sugjerimet e stilistit dhe aspektet teknike të prodhimit. Kujdeset për realizimin e projekteve të modeleve të reja të propozuara nga zyra e stilimit ose për ndryshimet në modelet ekzistuese. Bashkërendon ose zbaton procesin e përpunimit të kallupeve të letrës, prodhimin e prototipeve dhe mostrave dhe inxhinierimin e produktit për fazën e prodhimit. Ai është figurë kryesore në procesin e prodhimit të veshjeve dhe realizon në praktikë idenë e stilistit; ndërtimi i modelit lejon krijimin e veshjeve si në një zinxhir industrial, ashtu edhe në rrobaqepësi. Në rrobaqepësì, përgjithësisht është rrobaqepësi që kombinon aftësitë e stilistit dhe të krijuesit të modeleve duke krijuar veshje unike. Ndërsa në kontekste industriale, të vogla, të mesme apo të mëdha, ideja e propozuar nga stilisti përkthehet në një model nga kjo figurë profesionale, për t’u realizuar më pas si prototip duke e përgatitur në detaje për prodhimin në seri. Prandaj, modelisti duhet të jetë në gjendje të interpretojë idenë e stilit duke marrë parasysh karakteristikat e prodhimit industrial për të optimizuar procesin.

7 Veprimtaritë/përgjegjësitë kryesore Modelisti duhet të jetë i aftë të krijojë kallupin e një veshjeje dhe këtu përfshihen këto veprimtari: lexon dhe kupton kontributin krijues të stilistit në të gjithë format dhe përbërësit e ndryshëm; përkthen idenë stilistike në linja të mundshme të zhvillimit të modelit të veshjeve; kupton karakteristikat specifike dhe funksionale të modelit; parashikon karakteristikat e veshjes dhe përshtatshmërinë e saj; kupton format dhe përmasat; përcakton detajet e ndërtimit në lidhje me strukturën dhe formën e identifikuar; përcakton karakteristikat strukturore të mostrës për të garantuar realizimin e saj; kthen cilësitë morfologjike dhe funksionale në elemente të paraqitjes grafike; realizon një kallup me dorë ose me ndihmën e programeve kompjuterike (CAD), me përmasat dhe matjet sipas teknikave të modelimit; harton skedën teknike të modelit të veshjeve; përdor dokumentacionin teknik të produktit. Modelisti duhet të jetë i aftë të kryejë vlerësimin e përshtatshmërisë së mostrës së veshjes dhe këtu përfshihen këto veprimtari: zgjedh materialet dhe teknologjitë e prodhimit në përputhje me specifikat e modelit; lexon sjelljet e kushtëzuara dhe reaktive të përbërësve të veshjes në realizimin e prototipit dhe vlerëson përshtatshmërinë e modelit; zbulon problemet teknike dhe krijuese gjatë fazës së krijimit të prototipit duke bërë ndryshimet e sugjeruara ose të nevojshme për të arritur nivelin e duhur të përshtatjes; dallon nivelin e përputhshmërisë teknike të mostrës së veshjes me kërkesat strukturore dhe funksionale të modelit; shndërron të dhënat/informacionet e prodhimit të prototipit në ndryshime projekti të modelit të veshjeve. Modelisti duhet të jetë në gjendje të bëjë projektimin teknik të modelit të një veshjeje dhe këtu përfshihen këto veprimtari: merr sugjerimet e stilistit për ndryshimet që duhen bërë për mostrat dhe verifikon realizueshmërinë e tyre; përfundon modelin sipas varianteve që do të paraqiten në mostra duke zhvilluar modelet sipas masave të porositura; plotëson dhe verifikon saktësinë e dokumentacionit teknik shoqërues; mbledh dhe vlerëson sugjerimet ose kërkesat për ndryshime nga punonjësi që realizon prototipin e veshjes dhe kryen ndryshimet përkatëse; vlerëson, së bashku me stilistin dhe përgjegjësin e zhvillimit të produktit, rezultatin përfundimtar dhe promovon veprime të nevojshme korrigjuese ose përmirësuese; bën ndryshime në modelin dhe dokumentacionin teknik deri në përgatitjen e skedës teknike dhe të listës përfundimtare të materialeve të nevojshme, të vlefshme për prodhimin e mostrave; zbaton metoda për vlerësimin e konformitetit të proceseve të prodhimit të veshjeve me reagimin e tekstilit; përdor metodat e vlerësimit të konformitetit të procesit të prodhimit me modelin e ri të veshjeve; përdor dokumentacionin teknik të produktit. LKP, pune hulumtueses, pershkrim per profesione te ngjashme, pershkrim i posacem, takime per validimin

Aksesorët për veshje; vizatimi teknik; elementë të anatomisë njerëzore; elementë të gjeometrisë; elementë të mallrave të tekstilit; procesi i projektimit dhe zhvillimit të produktit në sektorin e veshjeve; produktet e sektorit të modës; programe kompjuterike për krijimin e tekstilit/veshjeve për paraqitjen grafike dydimensionale); teknologjitë dhe proceset e prodhimit të veshjeve; materialet e copave (të tekstilit); llojet e veshjeve.

Të zbatojë teknikat e prodhimit të veshjeve në tekstil. Të zbatojë teknikat e krijimit dhe zhvillimit të modeleve të modës. Të zbatojë teknikat e krijimit në manekin. Të zbatojë teknikat e vizatimit të figurës njerëzore. Të zbatojë teknikat e vizatimit dy- dhe tredimensional. Të zbatojë teknikat e modelimit dhe realizimit të masave për veshje. Të përdorë arkivat e koleksioneve të modës. Të përdorë programet kompjuterike të vizatimit (CAD). Të zbatojë kriteret e përshtatjes së materialit/ngjyrave. Të zbatojë kriteret e menaxhimit të tabelave të ngjyrave. Të zbatojë kriteret për të kontrolluar karakteristikat e copave të rrobave të prera sipas skedës teknike. Të zbatojë metodat e vlerësimit të konformitetit të aksesorëve. Të zbatojë metodat për vlerësimin e një veshjeje për përshtatshmërinë e saj në trup.

Ai mund të veprojë si i punësuar ose i vetëpunësuar. Si i punësuar ai punon në ndërmarrje të madhësive të ndryshme të sektorit të veshjeve. Modelisti është pjesë e repartit të projektimit dhe modelimit. Në përgjithësi funksionon brenda grupeve të punës ose në lidhje të ngushtë me role të tjera. Si punonjës i pavarur, ai e ushtron profesionin me kontrata afatshkurtra me ndërmarrjet ose stilistët. Edhe në këto raste ai punon në kontakt të ngushtë me figurat e tjera në zinxhirin e prodhimit.