Agjenti i shitjes arrin objektivat e shitjes duke zbatuar strategjinë tregtare të ndërmarrjes ose klientit, duke bërë negociata tregtare duke respektuar kufizimet sasiore, cilësore dhe të çmimeve të produktit/shërbimit, në përputhje me rregullat e së drejtës tregtare dhe të orientuara në përmbushjen e kënaqësisë maksimale të klientit dhe, rrjedhimisht, në sigurimin e besnikërisë së tij. Ekzistojnë profile të shumta që i atribuohen kësaj figure si shitës, teknik shitës, agjent, promovues, komisioner, apo përfaqësues i shitjeve. Figura e teknikut shitës ndryshon nga ajo e agjentit të përgjithshëm të shitjeve, pasi zotëron njohuri specifike teknologjike dhe merceologjike për produkte veçanërisht komplekse dhe të shtrenjta.

Agjenti i shitjes duhet të jetë në gjendje të identifikojë klientët potencialë dhe këtu përfshihen këto veprimtari: përpunon të dhënat e shitjeve sipas treguesve të rëndësishëm dhe i interpreton ato mbi bazën e prirjeve më të rëndësishme; kupton dinamikat e tregut të referencës; interpreton të dhënat mbi prirjen e konsumatorëve për të blerë, mbi ecurinë e shitjes së produktit të tyre, në sistemin e ofertave të konkurrencës; zbulon inputet funksionale për identifikimin e klientëve të rinj duke marrë pjesë në panaire dhe organizime publike, duke bashkëvepruar me dëshmitarë të rëndësishëm, duke analizuar bazën e të dhënave, duke u këshilluar me burime informuese. Agjenti i shitjes duhet të jetë në gjendje të hartojë një plan shitjeje dhe këtu përfshihen këto veprimtari: bën ndarje (segmentimin) e klientëve të mundshëm të portofolit duke njohur veçoritë e tyre dalluese; përcakton përparësitë në funksion të mundësive të fitimit dhe optimizimit të kostove të udhëtimit; planifikon shitjet sipas llojit të klientit dhe përparësive të paracaktuara; vlerëson llojin e kanalit të shpërndarjes, të organizimit dhe diversifikimit gjeografik të rrjetit të shitjeve, duke marrë parasysh metodat dhe kushtet e furnizimit; vlerëson mënyrat më të përshtatshme të ekspozimit dhe promovimit të produktit/shërbimit të ofruar; përcakton strategjitë e caktimit të çmimeve; identifikon metodat më funksionale të kontaktit sipas karakteristikave të klientit. Agjenti i shitjes duhet të jetë në gjendje të menaxhojë negociatat e shitjeve dhe këtu përfshihen këto veprimtari: interpreton nevojat dhe parapëlqimet e klientit/bashkëpunëtorit, duke përdorur taktika bindëse të përshtatshme për arritjen e objektivit të shitjeve; përdor metoda të ilustrimit dhe përshkrimit të ofertës me qëllim vlerësimin maksimal të produktit/shërbimit; identifikon propozime alternative tregtare duke përdorur teknikat e negocimit për të përshtatur dëshirat e klientit/bashkëpunëtorit me kufizimet teknike – strategjike dhe të çmimeve të paracaktuara; mbërrin në marrëveshje dhe nënshkruan kushtet kontraktuale të marrëveshjes tregtare (çmimin, sasinë, dorëzimin, metodat e pagesës).

Kanalet e shpërndarjes së produktit/shërbimit në shitje; kategoritë e produkteve; elementët e kontratës; elementë të së drejtës tregtare; elementë të marketing-ut; gama e produkteve/shërbimeve për shitje; marketingu operacional; parimet e kujdesit të klientit; sistemi i shpërndarjes; strategjitë e menaxhimit të bisedave të shitjet; strategjitë e shitjes; teknikat e analizës të ndarjes së klientelës; teknikat e përcaktimit të çmimit (pricing); teknikat për leximin e kërkesës për mallra dhe shërbime; teknikat e negocimit; teknikat e planifikimit të shitjes; teknikat e shitjes; teknikat e promovimit.

Të zbatojë teknikat e analizës së prirjeve të tregut. Të zbatojë teknikat e analizës së konkurrencës. Të zbatojë teknikat e analizës së të dhënave të tregut. Të zbatojë teknikat e analizës së rezultateve të shitjes. Të zbatojë teknikat e ndarjes së klientelës. Të zbatojë metodat e planifikimit të kontakteve të biznesit Të zbatojë teknikat e përcaktimit të objektivave të shitjes Të zbatojë teknikat e përcaktimit të çmimeve Të zbatojë teknikat e marketingut operacional Të zbatojë teknikat e analizës "kosto-përfitim" Të përdorë teknikat e telemarketingut Të përdorë mjetet për planifikimin e veprimtarive Të zbatojë kriteret për përgatitjen e faturave (llogarive) Të zbatojë metodat e llogaritjes të marzhit të shitjeve Të zbatojë metodat e duhura për hartimin e ofertave tregtare Të zbatojë teknikat e negocimit Të zbatojë teknikat e vlerësimit të ofertave Të zbatojë teknikat e shitjes

Agjenti i shitjeve vepron në kontakt të drejtpërdrejtë me klientët, në shtëpitë e tyre ose në pikat e shitjes. Lloji i marrëdhënies që ai arrin të ndërtojë me klientët është thelbësore. Marrëdhëniet me organizatën tuaj kanë të bëjnë me marrjen e inputeve nga drejtoria e shitjeve dhe e marketingut, dhe në raportimin po tek ajo të të dhënave për shitjet e kryera, në shkëmbimin e informacionit me funksione që lidhen me kujdesin ndaj klientit, mbështetjen administrative për shitje si dhe ato kontabël dhe administrative për mbylljen e kontratave dhe pagesave. Në përgjithësi, kjo figurë funksionon individualisht nën mbikëqyrjen dhe koordinimin e menaxherit të shitjeve ose menaxherit të fushës ose të produktit. Me disa përjashtime, ushtrimi i kësaj veprimtarie përfshin udhëtime të shpeshta, gjë që kërkon aftësi për të drejtuar makinën, për të organizuar udhëtime ajrore dhe për të zotëruar rrjedhshëm gjuhën e vendit të destinacionit. Një tipar dallues i kësaj figure është lidhja midis rezultateve të shitjeve të arritura dhe shpërblimit financiar.