Banakieri mirëpret klientët e barit, përgatit dhe shërben kafen, pijet e thjeshta dhe pijet e përziera (koktejet) . Ndihmon në përgatitjet e pjatave të ngrohta dhe/ose të ftohta, kujdeset t’u shërbejë klientëve në banak ose në tavolinë dhe mban pagesat. Kryen pastrimin e pajisjeve të barit dhe mund të kujdeset për furnizimin dhe menaxhimin e gjendjeve të mallrave (pijet, ushqimet, etj.). Ky pozicion është lidhur ngushtë me zbatimin e rregullave për sigurinë ushqimore sipas HACCP-it.

Banakieri duhet të jetë në gjendje të sistemojë banakun dhe sallën e barit dhe këtu përfshihen këto veprimtari: sistemon tavolinat dhe raftet me produktet e nevojshme, organizon banakun në përputhje me rregullat në fuqi dhe rregulloren e ndërmarrjes, siguron pastërtinë e lokalit dhe të pajisjeve. Banakieri duhet të jetë në gjendje të furnizojë dhe të magazinojë pijet dhe produktet e barit dhe këtu përfshihen këto veprimtari: përzgjedh dhe mban kontaktet me furnizuesit, vlerëson nevojat për furnizim, bën porositë, furnizon frigoriferët, raftet dhe magazinën. Banakieri duhet të jetë në gjendje të përgatitë shërbimin e barit dhe këtu përfshihen këto veprimtari: siguron hapjen e barit në kohën e duhur, organizon tavolinat dhe orenditë e tjera të lokalit, sistemon banakun sipas rregullave të higjienës ushqimore, bën gati pajisjet dhe makineritë e barit për të filluar shërbimin, përgatit pijet, koktejet, aperitivët, përgatit shërbimin e kafesë, përgatit paninet, pjatat e ftohta dhe të ngrohta, përdor pajisjet dhe mjetet e barit. Banakieri duhet të jetë në gjendje të kryejë shërbimin e barit dhe këtu përfshihen këto veprimtari: mirëpret dhe komunikon me klientët, shpjegon, sipas nevojës, karakteristikat e pijeve dhe të produkteve, ndjek porositë e klientëve, shërben pije dhe kokteje, shërbejë paninet dhe/ose pjatat e ftohta dhe të ngrohta, përgatit faturën dhe mban pagesat.

Shërbimet e kafenesë, elementë të enologjisë, njohuri për llojet e ndryshme të pijeve alkoolike, likernat etj., elementë të gastronomisë, elementë të higjienës mjedisore, përdorim i makinerive të barit, metodat e ruajtjes së ushqimit, metodat e ruajtjes së produkteve të barit, organizimi i shërbimit të barit, produktet e barit, receta për përgatitjen e pijeve, receta për përgatitjen e ushqimeve të lehta (snack) dhe porosive të shpejta, tipologjitë e pijeve, përdorimi i pajisjeve për përgatijen e ushqimeve, përdorimi i pajisjeve për përgatijen e pijeve, rregullat për mbrojtjen e shëndetit dhe sigurisë në vendin e punës.

Të zbatojë rregullat e higjienës dhe sigurisë ushqimore. Të zbatojë procedurat e analizës së rrezikut dhe kontrollit të pikave kritike (HACCP). Të zbatojë procedurat për ndezjen e makinerive të barit. Të zbatojë teknikat e organizimit të banakut. Të dijë të përdorë makineritë për larjen e enëve. Të përdorë produktet për pastrimin e mjediseve të lokalit. Të zbatojë procedurat për kontrollin e porosive në furnizim. Të zbatojë procedurat e furnizimit të banakut. Të zbatojë teknikat e ruajtjes së ushqimit. Të zbatojë teknikat e ruajtjes së pijeve. Të zbatojë teknikat për përcaktimin e porosive për blerjet. Të zbatojë teknikat për organizimin e pijeve. Të përdorë makineritë për ruajtjen e ushqimeve dhe pijeve. Të përdorë mjete për ruajtjen e pijeve. Të zbatojë teknikat për përgatitjen e pijeve. Të zbatojë teknikat për përgatitjen e koktejeve. Të zbatojë teknikat për përgatitjen e ushqimeve të lehta dhe porosive të shpejta. Të zbatojë teknikat për përgatitjen dhe rregullimin e tavolinave. Të zbatojë teknikat e prerjes së përbërësve të ushqimit. Të përdorë makineritë e barit. Të përdorë makineri kafeje profesionale. Të përdorë pajisjet për përgatitjen e pijeve. Të përdorë pajisjet për përgatitjen e ushqimeve. Të zbatojë metodat për pranimin e pagesave. Të zbatojë procedurat për menaxhimin e porosive. Të zbatojë teknikat e pritjes së klientelës. Të zbatojë metodat për zbukurimin/dekorimin e pijeve dhe ushqimeve. Të zbatojë teknikat e ndërveprimit me klientin. Të zbatojë teknikat e prezantimit të verës dhe pijeve të tjera alkoolike. Të zbatojë teknikat shërbimin e ushqimeve dhe pijeve.

Banakieri mund të punojë në hotele ose restorante të një madhësie të caktuar, por kryesisht duhet të punojë në bar/kafe. Mund të jetë drejtues ose menaxher i shërbimit me publikun ose punonjës i thjeshtë. Banakieri mund të punojë me orare jo fikse (turne ditore ose nate), dhe gjatë festave, shpesh puna është e lidhur me sezonin e turizimit.