Krijuesi i faqeve të internetit përpunon dhe ndërton faqe interneti dhe portale nga një këndvështrim grafik. Përkthen koncepte dhe mesazhe në lidhje me nevojat e komunikimit të klientit. Krijon faqe interneti specifike duke përdorur imazhe statike dhe në lëvizje, kujdeset për cilësinë e pamjeve të prodhuara dhe përmasat e instrumentave multimediale të përdorura, duke krijuar një ekuilibër midis estetikës, funksionalitetit dhe përdorshmërisë të së gjithës. Njeh programet grafike kryesore (Illustrator, Photoshop, Xpress, Freehand, Flash), është njohës i HTML, krijimit grafik të aplikuar në mjedisin multimedial dhe përdor grafikën kompjuterike 3D.

Krijuesi i faqeve të internetit duhet të jetë në gjendje të hartojë grafikën e një produkti multimedial dhe këtu përfshihen këto veprimtari: zbulon nevojat e komunikimit të klientit në mënyrë që të identifikohen karakteristikat teknike dhe grafike të produktit multimedial që do të zhvillohet, vlerëson harmoninë e arkitekturës grafike me ngjyrat, logot dhe grafikat tradicionale të klientit, identifikon zgjidhjet tekniko-grafike që ndikojnë në mënyrë optimale në performancën e faqes, krahason potencialin shprehës dhe komunikues të versioneve të ndryshme të paraqitjes grafike dhe strukturore, përcakton kohën e përpunimit dhe burimet e planit grafik të prodhimit të produktit multimedial, identifikon mjediset dhe aplikimet më të përshtatshme për realizimin e zgjidhjes grafike të propozuar, përcakton mënyrat e integrimit të llojeve të ndryshme të komunikimit vizual (imazhe statike, tekste, video, etj.), identifikon procedurat dhe udhëzimet e funksionimit për përditësimin dhe mirëmbajtjen e materialeve grafike të zhvilluara. Krijuesi i faqeve të internetit duhet të jetë në gjendje të zhvillojë paraqitjen grafike të një produkti multimedial dhe këtu përfshihen këto veprimtari: përvetëson dhe kryen faqosjen e kontributeve grafike, tekstuale, video dhe audio, kryen optimizimin dimensional të përbërësve grafikë në faqet e internetit, përkthen zgjidhje grafike të tipit statik në elementë grafikë dinamikë, dallon konformitetin e paraqitjes grafike me specifikimet e projektit teknik, vlerëson efektivitetin e elementëve grafikë të zhvilluar (shkronjat, ngjyrat, imazhet) për sa i përket aksesueshmërisë dhe përdorshmërisë së produktit multimedial, identifikon anomalitë në nivelet e performancës së zgjidhjeve grafike të zhvilluara, vlerëson korrigjimet dhe ndryshimet në paraqitjen grafike për të rivendosur barazinë në marrëdhëniet midis efektivitetit të komunikimit dhe funksionalitetit.

Komunikimi multimedial, element të arkitekturës së pajisjeve dhe aplikacioneve kompjuterike (hardware dhe software), elementë të projektimit, elementë të fotografisë, elementë të grafikës kompjuterike, elementë të grafikës krijuese, elementë të grafikës publicitare, elementë të krijimit të faqeve, gjuhët multimediale, gjuhën dhe editorin për skedarët XML, gjuhën HTML, metodat e paraqitjes grafike dhe simulimin tre-dimensional, parimet e aksesit në internet, parimet e përdorueshmërisë së internetit, problematikat e menaxhimit të së drejtës dixhitale, semiotika vizive, figurative dhe plastike, sistemet 3D për efekte speciale/animacione, sistemet e botimit të përmbajtjes multimediale (transmetimi, …), programe animacioni (Flash, Schockwave ose të ngjashme), programet kompjuterike (Xpress, InDesign ose te ngjashme), programe për zhvillimin në web (Dreamweaver, FrontPage ose të ngjashme), teknologjitë e komunikimit, prirjet e grafikës multimediale, teoria e ngjyrave.

Të zbatojë metodat e analizës së nevojave të komunikimit. Të zbatojë teknikat e grafikës kompjuterike. Të zbatojë teknikat e projektimit publicitar. Të zbatojë teknikat e projektimit për produkte multimediale. Të zbatojë teknikat e krijimit grafik. Të zbatojë metodat e zbulimit të konformitetit të produkteve grafike. Të zbatojë teknikat e zhvillimit të të menduarit krijues. Të përdorë gjuhën teknike të komunikimit multimedial. Të përdorë mjete për krijimin e prototipit multimedial. Të përdorë aplikacione animacioni (Flash, Schockwave ose të ngjashme). Të përdorë aplikacione për authoring. Të përdorë aplikacione për përpunimin e figurës manipulimin e figurës (Photoshop ose të ngjashëm). Të përdorë aplikacione për përpunimin e zërit. Të përdorë aplikacione grafike vektoriale (Illustrator, Freehand ose të ngjashme). Të përdorë aplikacione për faqosje grafike (Xpress, InDesign ose te ngjashme). Të përdorë aplikacion për paraqitje rendering (3D ose të ngjashme). Të përdorë aplikacione për zhvillim web-i (DreamWeaver, FrontPage ose të ngjashme). Të përdorë mjete të publikimit të përmbajtjes në internet.

Vepron në ndërmarrje që krijojnë dhe administrojnë faqet e internetit: agjenci interneti, redaksitë e periodikëve, studiot e komunikimit, shërbimet editoriale, shtëpitë botuese multimediale, ndërmarrje marketingu ose publiciteti. Krijuesi i faqeve të internetit ofron shërbimet e tij shpesh si profesionist i lirë dhe më pak si i punësuar. Për punë me cilësi të lartë ose me vështirësi ai shpesh bashkëpunon me një grup që zhvillon programe kompjuterike dhe me profesionistë të tjerë nga sektorë specifikë: marketing nëpërmjet internetit, aksesueshmëri, zhvillimi i web-it. Mjetet më të përdorura të punës janë aplikacione të tilla si redaktorët në internet për fletë të stiluara dhe paketat e përpunimit grafik me vektor dhe bitmap. Një evolucion i mundshëm i profilit grafik në internet përfshin figurën e “art director”, i cili harton, bashkërendon dhe administron gjithë fushatën e komunikimit.