Somelieri është personi që u ofron klientëve të vinotekave ose restoranteve të një klasi të lartë këshilla prej eksperti për zgjedhjen e verërave në dispozicion dhe siguron shërbimin e tyre në një mënyrë elegante dhe të rafinuar. Ai merret edhe me përzgjedhjen dhe blerjen e verërave bazuar në kategorinë e vinotekës apo të restorantit, po ashtu edhe me përpilimin e listës së verërave sipas menysë së ofruar dhe klientëve të restorantit. Ai përgatit kantinën ditore dhe mund t’i ngarkohet përgjegjësia për furnizimin dhe menaxhimin e saj.

Somelieri duhet të jetë në gjendje të përpunojë listën e verës dhe këtu përfshihen këto veprimtari: kombinon llojet e ndryshme të verës me pjata të veçanta ose me menu të plota; klasifikon verërat sipas kategorive të ndryshme të çmimeve; krijon listën e verërave sipas një formati të bashkërenduar me shefin e kuzhinës. Somelieri duhet të jetë në gjendje të shërbejë verën dhe pijet alkoolike dhe këtu përfshihen këto veprimtari: prezanton listën e verërave; sugjeron verërat sipas pjatave të porositura nga klientët; sugjeron verërat duke marrë parasysh karakteristikat e klientëve (kombësinë dhe origjinën, gjininë, moshën, llojin e eventit etj.); sugjeron radhën e duhur të verërave në tryezë bazuar në rregullat e përqindjes së alkoolit dhe temperaturës; rregullon tryezën me pajisjet e nevojshme për shërbimin (enë me akull, dekantues, hapëse për shishen e verës, gotë për degustim); vlerëson temperaturën e verës që do të shërbehet: kryen hapjen e shishes duke ndjekur procedurat përkatëse; vlerëson gjendjen e tapës në mënyrë që të kuptojë gjendjen e ruajtjes së verës; kryen provën e aromës së shishes së zgjedhur; deguston disa pika verë për të kontrolluar përshtatshmërinë e saj (cilësi - integritet); propozon klientët ose njërin prej tyre të provoj shijen, për të konfirmuar kështu zgjedhjen e bërë; shërben verën për mysafirët ose klientët duke zbatuar teknikat sipas llojit të verës; realizon shërbimin duke zbatuar rregullat e higjienës Somelieri duhet të jetë në gjendje të menaxhojë kantinën dhe këtu përfshihen këto veprimtari: organizon verërat në kantinë sipas radhës (origjinës, llojit); rregullon dhe vendosë shishet sipas manualeve të specialitetit (zakonisht rregullat janë nga shoqatat e sektorit); mbikëqyr vazhdimisht kushtet mjedisore të kantinës (temperaturën, ajrimin, ndriçimin, dridhjet, aromat); kontrollon hyrjet dhe daljet në kantinë; bën marrëveshje për furnizimin dhe blerjen e verërave, verërave të gazuara dhe pijeve alkoolike (me grafik javor ose mujor); bën rregullisht inventarin e gjendjes sipas llojit të produkteve.

Kiminë dhe teknikat enologjike; elemente të prokurimit dhe furnizimit; elemente të enologjisë; menaxhimin e blerjeve; tregun e verës; rregulloret për shërbimin e pijeve alkoolike; planifikimin strategjik të prokurimeve; sistemet e menaxhimit dhe organizimit të magazinës së mallrave; teknikat e ruajtjes së pijeve; teknikat e degustimit; llojshmërinë e pijeve; pajisjet për përgatitjen e pijeve; njohuri për verërat, pijet e forta alkoolike, likernat.

9 Aftësitë profesionale dhe cilësitë e nevojshme Të zbatojë kriteret e klasifikimit për verërat dhe pijet alkoolike Të zbatojë kriteret e përzgjedhjes të produkteve për degustim Të zbatojë kritere për kombinimin e ushqimeve dhe pijeve Të zbatojë rregullat e shërbimit në sallën e ngrënies Të zbatojë metodat e analizës së cilësisë së verës Të zbatojë metodat e degustimit të verës Të zbatojë metodat për shërbimin e verërave Të zbatojë procedurat e kontrollit të konformitetit të mallrave hyrëse Të zbatojë metodat për depozitimin e mallrave Të zbatojë metodat për menaxhimin e furnizimeve Të zbatojë metodat për regjistrimin e stoqeve Të zbatojë metodat e regjistrimit të hyrjeve dhe daljeve të mallrave Të zbatojë metodat e kontrollit të stoqeve në magazinë Të zbatojë procedurat e menaxhimit të porosive Të zbatojë procedurat e prokurimit Të zbatojë procedurat për inventarin e magazinave Të zbatojë teknikat për vendosjen e çmimeve Të zbatojë teknikat e analizës enologjike Të zbatojë teknikat e prezantimit të verës dhe pijeve alkoolike Të zbatojë teknikat e prezantimit të produkteve Të zbatojë teknika për shërbimin e ushqimit dhe pijeve Të zbatojë teknikat e ruajtjes së pijeve Të zbatojë teknikat e ekspozimit të mallrave Të zbatojë teknikat e ruajtjes së mallrave Të përdorë mjete për kodimin e mallrave Të përdorë mjete për ruajtjen e pijeve LKP, pune hulumtueses, pershkrim per profesione te ngjashme, pershkrim i posacem, takime per validimin

Somelieri punon për vinoteka ose restorante me standarde të larta, por ofron gjithashtu ekspertizën e tij në kantinat e verës. Veprimtaria kryhet në kontakt të përhershëm me klientët, çfarë sjellë zhvendosje të shpeshta në mjedisin e punës. Ritmi i punës gjatë ditës dhe mbrëmjes karakterizohet nga alternimi i periudhave të veprimtarisë të qëndrueshme dhe periudhave me më pak veprimtari. Të dielat dhe festat publike janë ditë pune. Kontaktet me furnizuesit mund të përfshijnë udhëtime të herëpashershme. Profesioni i somelierit kërkon monitorimin e zbatimit të rregulloreve në lidhje me shërbimin e pijeve. Somelieri mban gjithmonë një veshje profesionale.